Cənubi Koreyada vaksin olunan 7 nəfər ölüb
Cənubi Koreyada "Oxford/AstraZeneca” vaksini ilə peyvənd olunan 7 nəfər dünyasını dəyişib.
Musavat.com xarici KİV-lərə istinadən bildirir ki, hazırda həmin şəxslərin əsl ölüm səbəbləri araşdırılır.
Xatırladaq ki, Cənubi Koreyada fevralın 27-dən etibarən vaksinasiya prosesi başladılıb. Prosesin ilk həftəsində 296 mindən çox insan peyvənd olunub.
Cənubi Koreya Xəstəliklərə Nəzarət və Profilaktika Agentliyinin (KCDC) verdiyi açıqlamada bildirilir ki, Peyvənd olunan 2800-dən çox şəxsdə vaksinin yan təsirləri müşahidə olunub ki, onlardan 24 nəfərinin vəziyyəti kiritikdir.
Araşdırma zamanı məlum olub ki, həmin 24 nəfərə "AstraZeneca” vaksini vurulub.
Digər məlumata görə isə ölkədə bu günə qədər 5 min doza "Pfizer-BioNTech” vaksini tətbiq olunub və bu vaksinlə peyvənd edilmiş şəxslərin heç birində mənfi təsirlər müşahidə olunmayıb.