AFC: Traktor Asiyanın ən populyar futbol komandası seçildi

 

Asiya Futbol Konfederasiyasının rəsmi saytında yerləşdirilən sorğu nəticəsində Traktor Futbol Klubu Asiyanın ən populyar komandası seçilib.

 

AFC rəsmi saytında Asiyanın ən populyar futbol komandasını müəyyənləşdirmək üçün apardığı sorğunun son mərhələsində İran Azərbaycanının Traktor komandası səslərin yarısından çoxunu toplayaraq Asiyanın ən populyar komandası seçilib.

 

Sorğu siyahısında 8 digər komandanın da olduğu anketdə İran Azərbaycanının Traktor komandası 51 faiz səs ilə Asiyanın ən populyar komandası seçilib.

 

İranın Persepolis komandası 21 faizlə ikinci, Persia İndoneziya komandası isə 11 faiz ilə Asiyanın üçüncü ən populyar komandası seçiliblər.

 

Daha öncə Transfer Market saytı dünyanın ən çox azarkeş toplayan futbol klubları arasında Borussia Dortmund, Barcelona, Bayern Munich, Manchester United kimi dünyaca məşhur futbol komandalarından sonra Traktor komandasını 5-ci olaraq müəyyənləşdirmişdi.

 

Traktor klubunun sahibi Məhəmmədrza Zunuzi komandasını birinci olması münasibətilə təbrik edərək, məşhur "Yel yatar, tufan yatar yatmaz Traktor bayrağı” şeirinin bir şüar deyil, bir həqiqət olduğunu deyib. O, həmçinin Traktorun AFC-nin anketində İranın digər iki paytaxt komandaları ilə müqayisədə çox irəlidə olduğunu vurğulayaraq, "ədalətsizliyin və görməzdən gəlməklərin nəticə vermədiyi” və digər anketlərin etibarsız olduğunu iddia edib.

 

Traktor komandası sadəcə İran Azərbaycanında deyil, ölkənin digər türk dilli bölgələrində də populyar komandadır. Azərbaycan türkləri dəfələrlə Traktor komandasının oyunlarında ana dilində təhsil almaq və digər hüquqlarını tələb etmək üçün şüarlar səsləndirib və yaxud plakatlar nümayiş etdirərək İran Azərbaycanında insan haqları pozuntularına etiraz ediblər.

 

Traktor oyunlarında milli fəalların və vətəndaşların İran təhlükəsizlik qüvvələri tərəfindən dəfələrlə həbs edildiyi və repressiyalara məruz qaldıqları bildirilir.

 

Amerikanın səsi

 

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/public_html/index.php:300 Stack trace: #0 {main} thrown in /home/uluyol/public_html/index.php on line 300