Haftarın türklərə nifrətinin səbəbi budur

 

Haftarın türklərə olan nifrəti iki əsrdir Qərbin alovlandırdığı ərəb millətçiliyinə dayanır. Bu millətçilik türklərə qarşı başlasa da, "Ərəb baharı” ilə ərəbləri pərişan hala gətirdi.

Bu sözləri axar.az-a açıqlamasında siyasi ekspert Vüqar Zifəroğlu Liviyada qiyamçı Xəlifə Haftarın türklərə olan nifrəti haqda danışarkən deyib. O bildirib ki, Haftarın türklərə olan nifrəti onun sonunu gətirəcək:

"Həqiqətən də bu gün Haftarın Türkiyənin ünvanına işlətdiyi sərt ritorikalar heç də siyasi məqsəd daşımır. Bu, kökləri iki əsrdir davam edən bir nifrətin təcəssümüdür. Məsələ ondadır ki, Haftar Liviyanın qanuni hakimiyyətini devirməyə çalışan bir qiyamçı generaldır. Türkiyənin Liviyada varlığı isə birbaşa qanuni Sərrac hökumətinin istəyi əsasında baş tutub. Bunu Haftar da çox yaxşı anlayır. Lakin Haftarın türkləri hədələməsi, hakimiyyəti ələ keçirdikdən sonra Türkiyə ilə imzalanan razılaşmaları pozması kimi sərt və hədə dolu ritorika heç də siyasi deyil”.

Ekspertin sözlərinə görə, Qərbin Osmanlını parçalamaq üçün oyatdığı ərəb millətçilik ideologiyası bu gün də davam etməkdədir:

"Türkiyənin Yaxın Şərqdə, xüsusilə də İraq, Suriya, Liviya və Fələstin məsələsində göstərdiyi həssaslıq həm milli maraqları, həm də islam dünyasında güclü bir himayədarlıq missiyasından irəli gəlir. Bunu Qərb də yaxşı anlayır. Bu mənada islam dünyasında antitürk kampaniyaları hələ də davam etməkdədir. Məsələ ondadır ki, Osmanlı sultanı Yavuz Sultan Səlimin Misiri və müqəddəs torpaqları ələ keçirməsi xilafətin Osmanlının əlinə keçməsinə səbəb oldu. 19-cu əsrdə Qərb Yaxın Şərqdəki neft torpaqlarını ələ keçirmək üçün Osmanlı daxilində millətçi hərəkatları oyatmağa başladı. Ərəb millətçiliyi də məhz 19-cu əsrdən etibarən alovlandı. Qərbin ərəb millətçiliyini alovlandırması Osmanlının müharibəni uduzmasına, ərəblərin milli dövlətlər qurmasına və Yaxın Şərqin mövcud siyasi xəritəsinin formalaşmasına zəmin yaratdı. Mövcud vəziyyət dedikdə hazırki dağılmış, zəif və çarəsiz Yaxın Şərqi də nəzərdə tuturam. Bugünkü Türkiyə Qərbdə "Osmanlının varisi” adlandırılır. Bu fakt belə Qərbin qorxmasına bəsdir. Buna görə də Liviyada Xəlifə Haftar, Misirdə Sisi və s. ərəb millətçi liderləri Türkiyə əleyhinə siyasət aparır. Yəni Haftar və digərlərinin türklərə nifrəti Qərbin şah əsəridir”.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/public_html/index.php:300 Stack trace: #0 {main} thrown in /home/uluyol/public_html/index.php on line 300