AMEA-da tender labirinti: korrupsiya yoxlamalarının aparıldığı deyilir

 

Azərbaycan Milli Elmlər Akdemiyasının (AMEA) İşlər İdarəsində korrupsiya faktları ilə bağlı hüquq-mühafizə orqanları tərəfindən yoxlamaların aparıldığı bildirilir.

 

Bu barədə Arqument.az-a AMEA-dakı mənbələr məlumat verilib.

 

Yoxlamalara səbəb isə son 2 il ərzində akademiyanın nəzdində fəaliyyət göstərən institutların təmiri üçün ayrılan milyonlarla dövlət vəsaitinin təmir adı altında xərclənməsi göstərilir.

 

Məlumata görə, AMEA-nın İşlər İdarəsinin keçmiş müdiri Fətəli Abdullayev həmkəndlisi və qohumu Nuriyev Əli Lətif oğlunun rəhbərlik etdiyi "Lətifoğlu" MMC-yə 2017-ci ildən indiyədək dövlət satınalmaları yolu ilə milyonlarla tenderlər verib.

 

Bu tenderlərin böyük əksəriyyətinə ayrılan pulların mənimsənildiyi, işlərin isə yarımçıq qaldığı deyilir.

 

Qeyd edilir ki, "Lətifoğlu" MMC şirkəti 2017-ci ilin oktyabr ayından 2019-cu ilin fevral ayınadək AMEA-nın İşlər İdarəsinin 31 satınalmasının qalibi elan edilib.

 

AMEA-nın İşlər İdarəsi tərəfindən "Lətifoğlu" MMC-yə ayrılan vəsaitlər isə ümumilikdə 3 milyon manata yaxındır.

 

Məlumata görə ayrılan vəsaitlər əsasən Nabatat bağının, Zoologiya İnstitutunun, Biofizika, Torpaqşünaslıq və digər institutların laborotoriyalarının təmiri üzrə silinib.

 

"Lətifoğlu" MMC-nin hazırda dövlətə olan vergi borcu isə 52.872 manat təşkil edir.

 

AMEA-dan yoxlamalarla bağlı suala cavab almaq mümkün olmayıb.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/public_html/index.php:300 Stack trace: #0 {main} thrown in /home/uluyol/public_html/index.php on line 300