Qətlə yetirilmiş jurnalistin ailəsi Azərbaycanın adını çəkdi

 

İki il öncə qətlə yetirilmiş maltal jurnalist Dafna Caruana Qalisiyanın ailəsi Avropa polisinə müraciət vasitəsilə Malta və Azərbaycan arasında pulların yuyulmasının araşdırılmasında müstəntiqlərə, prokurorlara və hakimlərə lazımi dəstək verməyə çağırıb. Bu barədə ailənin press-relizində deyilir.

"Anamız Keyt Şembrinin maliyyə cinayətlərinin üstünü açdıqdan üç il və öldürülməsindən iki il sonra Şembri Maltanın baş naziri Cozef Muskatın administrasiya rəhbəri vəzifəsindən istefa verdi.

İndi biz Malta hakimiyyətini Şembrini onun genişmiqyaslı və çoxdan davam edən cinayət əməlinə görə dərhal mühakimə olunmasına çağırırıq”, – məlumatda qeyd olunur.

Mərhum jurnalistin ailəsi həmçinin baş nazir Cozef Muskatın Şembri və Conrad Missini (hökumət naziri) üç il ərzində niyə müdafiə etdiyini araşdırmağa çağırır.

"Şembri, Missi və onların müdafiəçilərini təqib etməkdən imtina anamız üçün ölümlə nəticələndi. Əgər bu, davam edərsə, Maltada demokratiya üçün fəlakətli nəticələrə səbəb olacaq”, – müraciətdə bildirilib.

Xatırladaq ki, Dafna Qalisiyanın korrupsiya araşdırmalarında müxtəlif banklar və maliyyə qurumları vasitəsilə külli miqdarda pulların yuyulması və üçüncü ölkəyə göndərilməsi faktları üzə çıxıb. Çirkli pulların mənbələri arasında Azərbaycan, Moldova və Rusiya da göstərilib.

Turan

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/domains/uluyol.info/public_html/index.php:300 Stack trace: #0 {main} thrown in /home/uluyol/domains/uluyol.info/public_html/index.php on line 300