İmam Hüseynin (ə) Quranla müvafiq hərəkəti

Mərhəmətli, rəhmli Allahın adı ilə! İmam Hüseynin (ə) yolda istinad etdiyi ayələr bunlardır.

Birinci ayə: Mədinədə Yəzidin nümayəndəsi (Mərvan) imam Hüseyndən (ə) Yəzid üçün beyət almaq qərarına gəlir, imam buyurur: "Vay olsun sənə ey Mərvan, sən bir murdarsan. Mən isə Əhli-beytdənəm. Allah biz Əhli-beyt barədə buyurub: Ey əhli-beyt! Allah sizdən çirkinliyi (günahı) yox etmək və sizi tərtəmiz (pak) etmək istər!” (Maidə surəsi, 33-cü ayə)

ويلكيا مروان، فإنّك‏ رجس‏و إنّا أهلبيت‏ الطهارة الّذي أنزلاللّه فينا: إِنَّما يُرِيدُاللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيراً

İkinci ayə: İmam Hüseyn (ə) Kərbəlaya yola düşməmişdən qabaq yazdığı vəsiyyətnamədə bu ayəyə istinad etmişdir: "...Mənim (bu işdə) müvəffəqiyyətim yalnız Allahın köməyilədir. Mən yalnız Ona təvəkkül etdim və məhz Onun hüzuruna dönəcəyəm!” (Hud surəsi, 88-ci ayə).

وَ ما تَوْفيقي‏ إِلاَّبِاللَّهِ عَلَيْهِ تَوَكَّلْتُ وَ إِلَيْهِ أُنيب‏

Üçüncü ayə: İmam Hüseyn (ə) Yəzidə beyət etməmək üçün Mədinədən Məkkəyə tərəf çıxarkən (Rəcə ayının 28-i) bu ayəni tilavət etdi: "(Musa) qorxu içində (ətrafına) göz qoya-qoya oradan (şəhərdən) çıxıb: "Ey Rəbbim! Məni bu zalım tayfanın əlindən qurtar!” – dedi.” (Qəsəs surəsi, 21-ci ayə) فَخَرَجَ مِنْها خائِفاً يَتَرَقَّبُقالَ رَبِّ نَجِّني‏ مِنَالْقَوْمِ الظَّالِمين‏

Dördünc ayə: Şeyx Müfid deyir: Elə ki, imam Hüseyn (ə) Mədinəyə yola düşdü, bir qrup cinn və mələk imama yardım etmək üçün gəldilər, imam bu ayəni tilavət etdi: "Harada olursunuz olun, hətta uca (möhkəm) qalalar içərisində olsanız belə, ölüm sizi haqlayacaq…” (Nisa surəsi, 78-ci ayə). أَيْنَما تَكُونُوا يُدْرِكْكُمُ الْمَوْتُ وَ لَوْ كُنْتُمْفي‏ بُرُوجٍ مُشَيَّدَة

Bu ayəni də oxudu: ""Əgər siz evlərinizdə olsaydınız belə, alınlarına ölüm yazılmış kəslər yenə çıxıb əbədi yatacaqları (öləcəkləri) yerlərə gedərdilər” لَبَرَزَ الَّذينَ كُتِبَ عَلَيْهِمُ الْقَتْلُإِلى‏ مَضاجِعِهِمْ

Beşinci ayə: İmam Hüseyn (ə) Kərbəlaya yola düşməmişdən öncə cümə axşamı şəban ayının üçü Məkkəyə daxil oldu və bu ayəni tilavət etdi: "O, Mədyən tərəfə yönəldiyi zaman dedi: "Ola bilsin ki, Rəbbim mənə doğru yolu göstərsin!” وَ لَمَّا تَوَجَّهَ تِلْقاءَمَدْيَنَ قالَ عَسى‏ رَبِّيأَنْ يَهْدِيَني‏ سَواءَ السَّبيل‏

Altıncı ayə: İmam Hüseyn (ə) Məkkədə İbn Abbasla görüşdükdə Bəni-Üməyyə barədə bu ayələri dilə gətirdi: "Onların xərclədiklərinin qəbul olunmasına mane olan yalnız Allahı və Onun Peyğəmbərini inkar etmələri, namaza tənbəl-tənbəl gəlmələri və istəməyə-istəməyə xərcləmələridir.” (Tövbə surəsi, 54-cü ayə). أَنَّهُمْكَفَرُوا بِاللَّهِ وَ بِرَسُولِهِ وَلا يَأْتُونَ الصَّلاةَ إِلاَّ وَ هُمْكُسالى‏. "...Onlar namaza durduqları zaman (yerlərindən) tənbəlliklə (könülsüz) qalxar, özlərini (yalandan) xalqa göstərər və Allahı olduqca az yad edərlər.” (Nisa surəsi, 142-ci ayə). يُراؤُنَ النَّاسَ وَ لا يَذْكُرُونَاللَّهَ إِلاَّ قَليلا; "(Münafiqlər imanla küfr arasında) tərəddüd edib nə (tamamilə) bunlara (möminlərə), nə də onlara (kafirlərə) tərəf dönərlər. Allahın azdırdığı şəxs üçün heç bir yol (nicat yolu) tapa bilməzsən!” (Nisa surəsi, 143-cü ayə) مُذَبْذَبينَ بَيْنَ ذلِكَ لاإِلى‏ هؤُلاءِ وَ لاإِلى‏ هؤُلاءِ وَ مَنْيُضْلِلِ اللَّهُ فَلَنْ تَجِدَلَهُ سَبيلاً; "Hər bir kəs (canlı) ölümü dadacaqdır. Şübhəsiz ki, mükafatlarınız qiyamət günü tamamilə veriləcəkdir.” (Ali-İmran surəsi, 185-ci ayə) كُلُّ نَفْسٍ ذائِقَةُ الْمَوْتِ وَ إِنَّما تُوَفَّوْنَ أُجُورَكُم‏

Yeddinci ayə: Qurban bayramına az qalmış imam Hüseyn (ə) Məkkədən Kərbəlaya tərəf yola düşdü. Yəzidin nümayəndəsi Məkkədə imamın yolunu kəsdi, imam Hüseynə (ə) dedilər: "Qorxuruq ki, camaatın arasında ixtilaf yaradasan”, imam bu ayəni tilavət etdi: "Mənim əməlim mənə, sizin əməliniz isə sizə aiddir. Mənim etdiyim əməllərin sizə, sizin etdiyiniz əməllərin mənə heç bir dəxli yoxdur!” (Yunus surəsi, 41-ci ayə) لي‏عَمَلي‏ وَ لَكُمْ عَمَلُكُمْأَنْتُمْ بَريئُونَ مِمَّا أَعْمَلُ وَأَنَا بَري‏ءٌ مِمَّاتَعْمَلُون‏

Səkkizinci ayə: İmam Hüseyn (ə) Kərbəlaya gedərkən Müslümün şəhadət xəbərini aldı və buyurdu: "Biz Allahınıq (Allahın bəndələriyik) və (öləndən sonra) Ona tərəf (Onun dərgahına) qayıdacağıq!” (Bəqərə surəsi 156-cı ayə) إِنَّا لِلَّهِ وَ إِنَّاإِلَيْهِ راجِعُون‏

Doqquzuncu ayə: Kərbəlaya az qalmış Hürr imama dedi: niyə görə buraya gəlmisən? İmam buyurdu: "Sizin dəvətnamələriniz məni buraya gətirib. Amma indi peşman olmusunuz”, imam bu ayəni tilavət etdi: "...Kim (beyəti) pozsa, ancaq öz əleyhinə pozmuş olar (bunun zərəri yalnız onun özünə dəyər).” (Fəth surəsi, 10-cu ayə) فَمَنْنَكَثَ فَإِنَّما يَنْكُثُ عَلى‏ نَفْسِهِ

Onuncu ayə: imam Hüseyn (ə) Kərbəlaya gedərkən öz qasidinin (Qeys ibn Məshər Seydavi) şəhadət xəbərini alarkən ağladı və bu ayəni tilavət etdi: "...Onlardan kimisi (bu yolda) şəhid olmuş, kimisi də (şəhid olmasını) gözləyir. Onlar (verdikləri sözü) əsla dəyişməzlər” (Əhzab surəsi, 23-cü ayə) مَنْ قَضى‏ نَحْبَهُ وَمِنْهُمْ مَنْ يَنْتَظِرُ وَما بَدَّلُوا تَبْديلاً.

On birinci ayə: Kufənin hakimi (İbn Ziyad) Hürrə rəsmi məktub yazır, Hüseynin (ə) yolunu bağlamasını tapşırır. Hürr məktubu imam Hüseynə göstərən kimi imam bu ayəni tilavət edir: "Biz onları (dünyada insanları) cəhənnəm oduna (küfrə, şirkə) çağıran rəhbərlər etdik. Qiyamət günü onlara (Allahın əzabından qurtarmaq üçün) heç bir kömək edilməyəcəkdir!”

وَ جَعَلْناهُمْ أَئِمَّةً يَدْعُونَ إِلَى النَّارِ وَيَوْمَ الْقِيامَةِ لا يُنْصَرُون‏

On ikinci ayə: Imam Hüseyn (ə) qızı Səkinə üçün Yəzidin ordusu barədə bu ayəni oxudu: "Şeytan onlara hakim olmuş və Allahı zikr etməyi onlara unutdurmuşdur…” (Mucadələ surəsi, 19-cu ayə)

اسْتَحْوَذَعَلَيْهِمُ الشَّيْطانُ فَأَنْساهُمْ ذِكْرَ اللَّه‏

On üçüncü ayə: İmam Hüseyn (ə) Aşura günü Yəzidin tərəfdarları üçün bu ayələri tilavət etdi: "...Şəriklərinizlə birlikdə (mənim barəmdə) nə edəcəyinizi qərarlaşdırın. Görəcəyiniz iş gizli qalmasın (onu mənə də bildirir), sonra mənə heç möhlət də verməyib haqqımda istədiyinizi edin (istədiyiniz hökmü çıxarın!). (Yunus surəsi, 71-ci ayə) فَأَجْمِعُواأَمْرَكُمْ وَ شُرَكاءَكُمْ ثُمَّلا يَكُنْ أَمْرُكُمْ عَلَيْكُمْغُمَّةً ثُمَّ اقْضُوا إِلَيَّوَ لا تُنْظِرُونِ; "Şübhəsiz ki, mənim hamim Kitabı (Quranı) nazil edən Allahdır. O, əməlisalehlərə himayədarlıq edər!” (Əraf surəsi, 196-cı ayə) إِنَّ وَلِيِّيَ اللَّهُ الَّذي نَزَّلَالْكِتابَ وَ هُوَ يَتَوَلَّىالصَّالِحين‏; "(Onlar Musanı daşqalaq edəcəkləri ilə hədələdilər. Musa dedi:) "Mən sizin məni daşqalaq etmənizdən mənim də Rəbbim, sizin də Rəbbiniz olan Allaha pənah aparıram!” (Duxan surəsi, 20-ci ayə)وَإِنِّي عُذْتُ بِرَبِّي وَرَبِّكُمْ أَنْ تَرْجُمُونِ ; "Musa dedi: "Mən haqq-hesab gününə inanmayan hər bir təkəbbür sahibindən həm mənim Rəbbim, həm də sizin Rəbbiniz olan Allaha pənah aparıram!” (Ğafir surəsi, 27-ci ayə)وَ قالَمُوسى‏ إِنِّي عُذْتُ بِرَبِّيوَ رَبِّكُمْ مِنْ كُلِّ مُتَكَبِّرٍلا يُؤْمِنُ بِيَوْمِ الْحِسابِ

Mənbə: Rəhtuşeyi rahiyane nur, 94-cü cild, səh: 69-72.

Höccətül islam vəl-müslimin Qiraəti.

Tərcümə etdi: Ə. Şəhriyar.

Uluyol.az