Sərhəd Qoşunlarının hərbçiləri üçün nəzərdə tutulmuq mal əti konservlərinin Siyəzəndə satıldığına dair fotolar yayılıb

Azərbaycan Ordusuna verilən ərzaq məhsullarının daxili bazarda satılması halları uzun illər əvvəllərə təsadüf edən hadisələrdəndir. JAM.AZ xəbər verir ki, bu proses müstəqillik əldə edildikdən sonna başlasa da, 2000-ci illərin əvvəllərinə qədər davam etmişdi. Lakin rəsmi qurumların müdaxilələri, belə hallara qarşı mübarizə effektiv nəticə verməyə başladı və prosesin önü alındı.

Elə bu səbəbdəndir ki, on ildən artıqdır ki, əsgər yeməklərini bazarlarda tapmaq qeyri-mümkün idi. Niyə məhz «idi» yazırıq? Ona görə ki, bu ənənənin artıq pozulmasına dair ilk məlumat üzə çıxıb. JAM.AZ xəbər verir ki, sosial şəbəkələrdə bununla bağlı yayılmış informasiyada iddia edilir ki, Sərhəd Qoşunlarının əsgərləri üçün ayrılmış mal əti konervləri Siyəzən bazarlarında açıq şəkildə satışa çıxarılıb.

Üzərində «Satış qadağandır» və «Azərbaycan Respublikası Dövlət Sərhəd Qoşunlarına məxsusdur» sözləri yazılmış konservlərin kimlər tərəfindən satışa çıxarıldığı məlum deyil. Hadisənin şahidi olan şəxs hətta həmin konserv qutularının fotolarını da yayımlayıb.

Qeyd edək ki, belə bir halın yaşanması olduqca təhlükəlidir. Çünki əsgərlərimiz üçün nəzərdə tutulmuş ərzaqların bazarda satılması yolverilməzdir. Belə bir halın qarşısı qətiyyətlə alınmalıdır ki, sabah analoji olaylar yaşanmasın. Şübhəsiz, Sərhəd Qoşunları komandanlığı bu prosesin qarşısını alaraq, bu işdə əli olanları qanuni formada cəzalandıracaq. 


Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/domains/uluyol.info/public_html/index.php:300 Stack trace: #0 {main} thrown in /home/uluyol/domains/uluyol.info/public_html/index.php on line 300