İran XİN: İran dövləti ABŞ-ın sözdə deyil, əməldə dəyişiklik etməsini gözləyir
İran Xarici İşlər Nazilriyinin sözçüsü Seyid Abbas Musəvi ABŞ dövlət katibi Mayk Pompeonun "heç bir ilkin şərt olmadan İranla müzakirə etməyə hazırıq” sözlərinə münasibət bildirib.
ONA-nın Tehran bürosunun məlumatına görə, Musəvi qeyd edib ki, İran dövləti ABŞ-ın sözdə deyil, əməldə dəyişiklik etməsini gözləyir.
A.Musəvi deyib ki, İran üçün kəlmələr və gizlin məqsədlərin yeni sözlərlə
deyilməsi ölçü vahidi deyil, əsas ABŞ-ın əməldə İrana qarşı rəftarını dəyişməsidir.
O, Pompeonun İrana qarşı təzyiqlərin artırılmasına təkid etməsinin ABŞ-ın
düzgün olmayan öncəki rəftarının davam etdirilməsinin göstərcisi olduğunu
deyib.
Qeyd edək ki, bir müddət öncə ABŞ dövlət katibi Pompeo İranla müzakirələr üçün 12 şərt irəli sürmüşdü və irəli sürdükləri 12 şərti qəbul etmədən İranla müzakirə etməyəcəklərini demişdi. İndi bu mövqeyindən geri addım atıb və heç bir şərt olmadan danışıqlar aparmağa hazır olduğunu bidlirib.
