Bu gün Müsavat Partiyası "Xocalı” abidəsi önündə Xocalı soyqırımı şəhidlərini anıb.
Anım tədbirində Müsavat başqanı Arif Hacılı, Milli Strateji Düşüncə Mərkəzinin rəhbəri İsa Qəmbər, Demokrat (Boz Qurd) partiyasının sədri İsgəndər Həmidov, partiya rəhbərliyi, funksionerləri və bir qrup müsavatçı iştirak ediblər.
Anım tədbirində iştirak edənlər abidə önünə gül dəstələri qoyaraq soyqırım qurbanlarını yad ediblər.Müsavat başqanı Arif Hacılı anım mərasimində çıxış edərək bu faciəni bütün türk dünyasının faciəsi adlandırıb.