Türk Hava Yollarından Azərbaycana qardaş jesti
İstanbulun yeni hava limanından ilk beynəlxalq uçuş Azərbaycana olacaq.
Qaynarinfo Türkiyə mətbuatına istinadən xəbər verir ki, bunu Türk Hava Yollarının (THY) baş direktoru Bilal Ekşi deyib.
O, yaxın aylarda istifadəyə veriləcək aeroportdan ilk daxili uçuşun paytaxt Ankaraya, beynəlxalq uçuşun isə Azərbaycana və daha sonra Şimali Kiprə gerçəkləşdiriləcəyini açıqlayıb.
Məlumata görə, hava limanının inşasında əsas işlər artıq yekunlaşıb və oktyabrın 29-na kimi bütün işlər başa çatdırılacaq.
