Müsavat Partiyasının 115 saylı Şəki seçki dairəsindən deputatlığa namizədi İkram İsrafil ötən günlər ərzində Şəkidə kənbəkənd gəzərək seçiciləri ilə möhtəşəm görüşlər keçirib.
Müsavatın Şəki şəhər təşkilatından "Basta”ya verilən məlumatda bildirilir ki, bir neçə gün ərzində İkram İsrafil Bideyiz, Baş Kəldək, Oravan, Qırxbulaq, Köbər Zəyzid, Baş Küngüt ,Çapağan, İbrahimkənd, Fazilkənd, Aşağı Küngüt, Vərəzət və Baş Zəyzid kənlərində görüşlər keçirib. Görüşlərdə İkram İsrafil ölkənin və Şəkinin problemlərindən danışıb, bu problemlərin həlli yollarına dair fikirlərini bölüşüb, seçicilərin problemləri ilə maraqlanıb.
İkram İsrafilin görüşünə gələn seçicilər namizədə sonadək dəstək verəcəklərini bildiriblər. Xüsusən ağsaqqallar İkram İsrafilə öz xeyir-dualarını veriblər. İkram İsrafili bu görüşlərdə Müsavatın Şəki təşkilatının sədri, tarixçi-alim Həbibullah Manaflı müşaiyyət edib.
İkram İsrafilin bu görüşləri hakimiyyəti narahat edib. Bu gün İkram İsrafilin Orta Zəyzid kəndində seçicilərlə görüşünə imkan verilməyib. Bununla belə, İkram İsrafilin görüşləri davam edəcək. Oktyabrın 25-də - Müsavatın Bakıda mitinq keçirəcəyi gün Şəkinin daha dörd kəndində İkram İsrafil öz seçiciləri ilə görüşəcək.
BASTAİNFO.COM