Baş nazir vəzifəsindən uzaqlaşdırıldı

Pakistanın Ali məhkəməsi baş nazir Nəvəz Şərif haqqında vəzifədən kənarlaşdırma qərarı verib.

Yenicag.az xarici KİV-ə istinadən bildirir ki, buna səbəb baş nazirin və ailəsinin korrupsiya əməlləridir. 2016-cı ilin aprel ayında "Mossack Foncesa” şirkətinin yaydığı sənədlərə əsasən məlum olub ki, baş nazirin iki oğlu və bir qızı 3 ofşor kompaniyanın sahibidirlər. İşin araşdırılması üçün xüsusi komissiya yaradılmışdı.

Ali Məhkəmə hakimlərinin yekdil qərarına görə Nəvaz Şərif hakimiyyətdən kənarlaşdırılıb.

Baş nazirə, həmçinin, onun qızı Məryəm, oğulları Hüseyn və Həsənə qarşı cinayət işi açılıb.