|
Parlamentin ən passiv deputatlarından olan Əsabil Qasımov
siyasi rəhbərliyin "qara siyahı”sında yer alıb. Buna səbəb onun barəsində
tez-tez ittihamların səslənməsi, biznes işində ayrı-ayrə adamları aldatmasıdır.
Üstəgəl, Milli Məclisdə heç bir çıxışı ilə fərqlənməyib. Habelə, bir müddət əvvəl
unun qiymətini qaldırmaqla etiraz aksiyalarına səbəb olmuşdu.
Ulus.Az-a verilən məlumata görə,bu
faktorlar Ə.Qasımovun hakimiyyətin qəzəbinə tu gəlməsi ilə nəticələnib.
Hətta onun 2020-ci il parlament seçkilərində iştirakının üstündən xətt çəkildiyi
iddia edilir. Millət vəkili indiyə qədər bircə dəfə müsbət addımı ilə diqqət mərkəzinə
düşməyib.
Elə son olaraq da əlillərin pulunu mənimsəyib. Bu barədə gununsesi.info yazıb
ki, Milli Məclisin İmişli rayonundan seçilən deputatı Əsabil Qasımov 6 ildən
çoxdur əlillərə olan 77 min dollar borcunu qaytarmır.
I qrup əlil Rauf Sultanov sosial şəbəkədəki səhifəsində yazıb:"Bu yaxınlarda millət vəkili Əsabil
Qasımova məxsus "Marina Plaza”nın qarşısına gedərək haqqımızı istədik. Bu zaman
plazanın təhlükəsizlik əməkdaşları bizə yaxınlaşaraq bildirdilər ki, Əsabil müəllim
burada olmur.
Təxminən 1 saat sonra Əsabil Qasımovun vəkili bizə zəng edərək görüşmək istədiyini
bildirdi. Görüş zamanı vəkil dedi ki, Əsabil müəllimin sözü budur ki, birdə
plazanın qarşısına gəlsəniz, hüquq- mühafizə orqanlarının əməkdaşları sizi həbs
edəcək.
Bu sözü eşitdiyimizdə onlarla aramızda mübahisə yarandı və dedik ki, haqqımızı
istədiyimiz zaman hüquq-mühafizə orqanı bizə nə edəcək ki?
Artıq Əsabil Qasımov bizə hüquq-mühafizə orqanları adından hədə-qorxu gəlir. Təbii
ki, onun bizə istənilən pisliyi dəyə bilər.
Hətta şərləyib həbs də etdirə bilər. Əgər deputat əlillərə məxsus 77 min ABŞ
dollarını bugünədək qaytarmayıbsa, artıq onun niyyəti bəllidir”.
Ulus.Az-a verilən məlumata görə, millət vəkilinin onlara olan borcu 145 min ABŞ
dolları civarındaymış:
"Onun borcu 145 min ABŞ dolları idi. Əsabil Qasımov bir hissəsinin əvəzində ev
verdi. Yerdə qalan 77 min dollar borcu isə istəyəndə hədə-qorxu gəlir. Əsabil
Qasımov əlilləri o həddə gətirib çıxarmaq istəyir ki, onlar özlərini kəsib
doğrasınlar”.
R.Sultanov və Qarabağ müharibəsi veteranı Habil Cəfərov İmişli rayonunun millət
vəkili Əsabil Qasımova aid olduğu bildirilən Karat MTK-nın dəmirlə (armatur) təmin
edilməsində vasitəçilik ediblər.
Şikayətçinin sözlərinə görə, 2002-ci ildən millət vəkilinin holdinqinə daxil
olan bütün şirkətləri armaturla təmin edib.
Bu işbirliyi 2014-cü ilə, daha dəqiq desək, keçmiş ”Qaqarin körpüsü”nün
yaxınlığındakı "Azinvest” iş mərkəzinin tikintisinə kimi davam edib.
Yada salaq ki, deputat Əsabil Qasımovun ailəsinə məxsus olan "Karat”
holdinqin 2015-ci ilin dekabrında bahalaşma getməsi mitinqlərə səbəb olmuşdu.
Deputatın ailə holdinqi Azərbaycan un məhsulları bazarında kifayət qədər böyük
çəkiyə malikdir.
Bu baxımdan deputatın ailə şirkətinin qiymətləri qaldırması manatın qiymətdən
düşməsi fonunda ölkədə çörəyin qiymətinə, çəkisinə də birbaşa təsir edir.
Xatırladaq ki, 2015-ci ildə holdinqin əsas istehsal sahəsinin yerləşdiyi İmişli
şəhərində Baş Prokuror yanında Korrupsiyaya Qarşı Mübarizə Baş İdarəsi əməkdaşları
əməliyyat keçiriblər. Nəticədə İmişlidə "Karat”da istehsal olunan unun
topdansatışı ilə məşğul olan iki böyük anbardan birinin sahibi tutulub.
Həmin anbarlardan biri Milli Məclisin deputatı Əsabil Qasımovun xalası oğlu
Naib Xəlilovun, digəri isə iş adamı Nizami Umudovundur. Bütün bunlar yuxarı
dairələrin dosyesində Ə.Qasımovla bağlı qərarın verilməsi üçün əlavə olunan
detallardır.
Вернуться назад
|