“Dağlıq Qarabağ Ermənistana birləşdirilməldir” – Fransa prezidentliyinə namizəddən SƏRSƏM AÇIQLAMA

Fransa prezidentliyinə namizəd, ifrat sağ yönümlü "Milli cəbhə” partiyasının lideri Marin Le Pen erməni diasporunun "Nouvelles d’Arménie” jurnalına verdiyi müsahibədə Dağlıq Qarabağın Ermənistana birləşdirilməsini müdafiə etdiyini deyib.

Avropa.info xəbər verir ki, Marin Le Pen daha da irəli gedərək "erməni genosidi”ni XX əsrin insanlığa qarşı onu ilk böyük cinayəti adlandırıb.

Jurnalistin "Fransa respublikasının Dağlıq Qarabağın ("DQR”) müstəqilliyini tanımasını dəstəkləyirsinizmi?” – sualına belə cavab verib:

"Əlbəttə, keçmiş SSRİ-nin inzibati sərhədləri tez və dağınıq şəkildə beynəlxalq sərhədlərə çevrildi. Hesab edirəm müstəqilliyin tanınması əvəzinə Azərbaycan və Ermənistan Qarabağın Ermənistana birləşdirilməsi məsələsində razılığa gəlməlidirlər.

Fransa prezidentliyinə namizəd ermənilərin ölkəsinə çox şey verdiyini, Fransanın "erməni genosidi”ni tanınması üçün mübarizəni davam etdirəcəyini bildirib.