Tatarıstanda bank böhranı baş naziri vurdu

Tatarıstanın Baş naziri İldar Xalikov istefaya gedib.

Axar.az xəbər verir ki, Xalikov istefasına əsas səbəb kimi başqa işlə məşğul olmaq istəyini göstərib. O, istefasının Tatarıstandakı bank böhranı ilə bağlı olmadığını bildirib.

Xalikovun səlahiyyətlərini müvəqqəti olaraq Baş nazirin müavini Aleksey Pesoşin icra edəcək.

Qeyd edək ki, Rusiya Mərkəzi Bankı gözlənilmədən martın 3-də Tatarıstanın üç böyük bankının lisenziyasını ləğv edib. Ləğv edilən banklar "Tatfondbank”, "İntexbank” və "Sprut” olub.

"Tatfondbank” Tatarıstanın ikinci ən böyük bankı sayılırdı. Ekspertlər bankın borcunun 100 milyard rubldan çox olduğunu iddia edirlər.