|
Xanım İsmayılqızı
Dilimdə yandı adın...
Heç nə deyə bilmədin,
Başını yırğaladın...
Qardaş, yol üstündəsən,
Kimlər dəyir gözünə?..
Vida nəğməsi qonub
Sənin cansız üzünə...
Mən dərdin yorğunuyam,
Sən ağrının yorğunu...
Öz içindən atmısan
Ölüm adlı qorxunu...
Yola salmaq çətindi
Yolu bitən adamı...
Hayqırtıya bürüdüm
İçimdəki duamı...
Saatlar zülüm çəkir
Saniyədən qaçaraq...
Təsəlli təslim olub,
Ümid batır susaraq...
Nə burdasan, nə orda,
Ruhun bədəndən küsür...
Allah göylərə sarı
Nə çox pillələr düzür...
Eşit, qurbanın olum,
Ruhumla yanındayam...
Getmə, qurbanın olum,
Tanrı harayındayam...
(23 mart 2017)
Uluyol.info
Вернуться назад
|