|
ABŞ Prezidenti Donald Trampın
vergi tariflərini azaltması ilə bağlı qərar verməyə hazırlaşması 1986-1987-ci
illlərdə ABŞ fond birjalarında baş verənləri təkrarlaya bilər.
"Report" xəbər verir ki, ABŞ-ın "Zerohedge" araşdırma şirkətinin
hesabatına görə, o zaman ABŞ prezidenti olan Ronald Reyqanın vergiləri azaltmaq
barədə qərar imzalamasından əvəl "S&P 500" indeksi 1987-ci ilin
iyul ayına 40% artım göstərib. Vergi islahatları həyata keçirildikdən sonra isə
1987-ci ilin oktyabrında "qara bazar ertəsi" günü kimi məşhurlaşan və
ABŞ-ın əsas fond birjası indeksi "Dow Jones Industrial"ın bir gündə
22,6% düşməsi hadisəsi baş verib.
"Barclays"a görə, məhz 1986-cı ildə də neft qiymətləri kəskin
azalaraq 10 dollar/bareldən aşağı enib və daha sonra artmağa başlayıb ki, bu da
indiki vəziyyətə çox bənzəyir. Belə ki, ötən il neft qiymətləri 30 dollar/barelə
qədər azaldıqdan sonra artmağa başlayıb və hazırda 55 dollar/barel səviyyəsindədir.
Bankın bu iki dövrü müqayisəsində fərqli cəhət isə o zaman uçot dərəcələrinin
yumşaldılması, indi isə sərtləşdirilməsi amilləridir.
Вернуться назад
|