AŞ PA korrupsiya ittihamları ilə bağlı izahat verdi

Azərbaycan mənşəli rüşvət ittihamlarının araşdırılması üçün üç mərhələli tədbirlər planı qəbul edildi.

AŞ PA- nın bəzi indiki və sabiq üzvlərinə qarşı korrupsiya ittihamları ilə bağlı xüsusi rəsmi izahat verməyə məcbur oldu.

Bu gün, yanvarın 27- də Strasburqda AŞPA yekdilliklə qərara aldı ki, bu məsələ üç mərhələli yanaşma ilə həll edilməlidir.

Birincisi, Assambleyanın yeni Davranış kodeksinin hazırlanması prosesi sürətləndirilməlidir.

İkinicisi, QREKO (Korrupsiyaya qarşı Dövlətlər Birliyi) prosesə cəlb edilməli və onların tövsiyyələri nəzərə alınmalıdır.

Üçüncüsü, müstəqil təhqiqat aparılmalıdır ki, gizli korrupsiya faktları aşkara çıxarılsın.

AŞ PA sədri Pedro Aqramunt bu üç mərhələnin hər birinin zəruri olduğunu qeyd edib. Korrupsiya ittihamlarının araşdırılması və ortalığa çıxarılması AŞ PA-nın reputasiyası üçün mühüm əhəmiyyət daşıyır, deyə Aqramunt vurğulayıb.