Главная > Aktual > Suriya müxalifəti Rusiyanın Konstitusiya təklifinə «yox» dedi
Suriya müxalifəti Rusiyanın Konstitusiya təklifinə «yox» dedi26-01-2017, 22:23. |
Suriya müxalifəti Rusiyanın Astanadakı danşıqlar zamanı bu ölkə üçün təklif etdiyi Konstitusiya layihəsindən imtina edib. Bu barədə «Bloomberg» nümayəndə heyətinin üzvü Əhya əl-Aridiyə istinadən məlumat yayıb. «Ruslara dedik ki, Suriya Konstitusiyasını yazmağa yalnız suriyalıları haqqı var. Başqa ölkə tərəfindən yazılan Konstitusiya siyasiləşmiş olur», – deyə əl-Aridi bildirib. O, Rusiyanın təklif etdiyi layihənin detallarını müzakirə etmək istəməyib. Məlumata görə, Rusiyanın layihəsində prezidentin 7 il müddətinə seçilməsi nəzərdə tutulur və iki dəfə ard-arda seçilmək hüququ olmur. Parlamentin iki palatalı olması və əsas hüquq mənbəyi kimi şəriətdən imtina edilməsi də təkliflər arasındadır. Xatırladaq ki, yanvarın 23-də Astanada Suriya üzrə danışıqlar başlayıb. Danışıqlarda Suriya hökuməti və müxalifəti, Rusiya, Türkiyə, İran, BMT və ABŞ təmsilçiləri iştirak edir.
Вернуться назад |