Polis müsavatçı haqqında dosye toplayır

Polis Müsavatın Məclis üzvü Vaqif Davud və onun ailə üzvləri haqqında dosye toplayır.

Bu haqda "Basta”ya Vaqif Davud özü məlumat verib.

"Polis gizli olaraq özüm və oğlum Anar Davudovla, ailə üzvlərim və hətta 25-il əvvəl həyatdan köçmüş atam, anam, Yevlaxın Yenicə kəndində yaşayan həyat yoldaşımın qohumları, mərhum qaynata və qaynanam haqqında da,  məlumat üçün sorğu aparıb” – Vaqif Davud bildirib.

"Cənablar, mənimlə və oğlum Anar Davudovla bağlı sizi maraqlandıran bütün sualları cavablandırmağa hazıram. Dağa-daşa düşməyə nə lüzum?”, – Vaqif Davud bildirib.