Bakıda polis vətəndaşa — “Sənin qanını içərəm" + VİDEO

Bakıda yol polisi ilə vətəndaşlar arasında mübahisə yaranıb.

"Uluyol.info”nun Publika.az-a istinadən məlumatına görə, bununla bağlı videonu sosial şəbəkələrdə Rizvan Nuriyev adlı istifadəçi paylaşıb.

Videodan da göründüyü kimi, 99 YP 463 dövlət nömrə nişanlı patrul avtomaşınında xidmət aparan yol polisi əməkdaşı vətəndaşlarla mübahisə edir, onlara qarşı nalayiq ifadələr işlədir. Hətta, vətəndaşlardan birinə "sənin qanını içərəm, itil burdan” deyərək onu itələyir.

Yaşlı qadınlar onları sakitləşdirməyə çalışsa da, polis əməkdaşı onların da yanında küçə söyüşləri söyür. Mübahisənin nədən baş verdiyi barədə məlumat verilmir.

Həmin görüntüləri Meydan TV-yə istinadən təqdim edirik: