İrqçilikdə günahlandırılan futbolçu 5 oyunluq cəzalandırılacaq

"Nyukasl”ın futbolçusu Conco Şelvi irqçilikdə ittiham olunur. Apasport.az saytının məlumatına görə, İngiltərə Futbol Federasiyası "sağsağanlar”ın oyunçusunu "Vulverhempton”la oyunda rəqib futbolçunu təhqir etməkdə günahlandırıb.

 

Belə ki, sentyabrda baş tutan oyunda Şelvi rəqibini irqi, dini və milli zəmində təhqir edib.

 

Yarımmüdafiəçiyə özünü müdafiə etmək üçün noyabrın 16-na qədər vaxt verilib. Əgər günahı sübuta yetirilsə, onu 5 oyunluq cəza gözləyir.