"Azər ,gəmiləri gözləyirik,dua edin biz burdan sağ-salamat çıxaq".
7-12-2015, 21:55.
"Günəşli” yatağındakı 10 saylı dərin dəniz özülündə baş vermiş hadisədə axtarışı davam edən Adil Abdullayevin qohumu İlahə Məmmədli təsuratların ULUYOL.İNFO-ya danışdı:
"Adil Abdullayev mənim əmim,deyərdim atam idi.Biz uşaq vaxtı atamızı itirmişik,elə o vaxtdan Adil əmi bizə atalıq edib.Qayğılarımızı çəkib,həmişə yanımızda,problemlərimizi həll etməyə çalışardı.
19.02.1953-cü ildə Bakı şəhərində anadan olub,ADNA-nın mühəndislik fakültəsin bitirmiş və ixtisası üzrə işləyirdi.Ömrünün böyük bir hissəsin dənizdə ,40 il idi ki,bu sahədə çalışırdı.Fevral ayında təqaüdə çıxacaqdı.15 gün işdə,15 gün evdə olurdu.
Bir neçə il öncə bağ evi almışdı.Bağçılığa vurğun insan idi.Evdə qalanda bağa gedər,ağac-gül əkər,diblərin boşaldardı.Üç övladı,bir oğlu,iki qız var.Oğul nəvəsinə öz adın vermişdi.Balaca, məsum Adilin sabah bir yaşı tamam olur.Ad günün xüsusi keçirmək istəyirdi.
Axırıncı dəfə bizə oktyabrın 9-cu gəlmişdi,həyət evində qalırıq deyə bağımız var.Əmimin bağa vurğunluğun bilirdim,təklif etdim ki,öz bağlarına həyətimizdən ağac aparsın,bizdə çoxdur.Bir söz demədi,sanki ,olacaqlar ürəyinə danıbmış...
Yoldaşı Lalə xanımada 28 noyabrda Dənizə gedərkən deyib ki,"Xanım, heç ayaqlarım getmir..."Bu gün,dekabrın 7-si gəlməli idi.
Mənim uşaqlığım əmimim qucağında keçib,məni çox istəyirdi.indiyə kimi yadıma gəlir,pəncərəmizdən boylanar,əmimim gəlməyin gözləyərdim.Əmim gələr, qucağında yatardım.Dəhşətlidir,indidə pencərədən boylanır,əmimdən bir xəbər gözləyirəm...
Hadisə baş verən gün,ayın 4-ü saat 22:30 da qardaşımla danışıb."Azər ,gəmiləri gözləyirik,dua edin biz burdan sağ-salamat çıxaq".
ULUYOL.İNFO kollektivi adından baş vermiş faciə ilə bağlı Millətimizə başsağlı verir,ailələrinə Uca Tanrıdan səbr diləyirik...
Вернуться назад