"Whatsapp" daha iki yeniliyə imza atır — Mobil operatorların dövrü bitir

"Whatsapp" mesajlaşma xidməti yeniliklərə imza atmağa davam edir.

"Whatapp" tətbiqetməsinin "Android" ƏS üçün təqdim etdiyi beta versiyası yenilənib.

Uluyol.info "olke.az"-a istinadən  xəbər verir ki, tezliklə tətbiqetməyə iki yeni xüsusiyyət də əlavə olunacaq.

Eyni zamanda "Facebook" şirkətin 2014-cü ilin fevral ayında fantistik məbləğə, yəni 19 milyard dollar ödəyərək aldığı "Whatsapp"da istifadəçilərin təhlükəsizliyini artırmağa yönəlmiş işləri davam etdirir.

Ötən il mesajlaşma xidməti ilə yanaşı səsli zəng xidmətini də istifadəyə verən "Whatsapp", daha sonra ofis proqramları fayllarının və ZIP faylların tətbiqetmə üzərindən göndəriləbilmə xüsusiyyətini istifadəçilərinə təqdim etdi.

Təhlükəsizlik məsələsində "ucdan-uca" şifrələmə üsuluna keçən "Whatsapp" yaxın günlərdə isə əlavə olaraq iki mərhələli kimlik təsdiqetmə sistemini platformada tətbiq edəcək.

Mütəxəssislərin rəyinə görə "Whatsapp"a son əlavə olunan iki yenilik zəng xidmətinin inkişafı üçün vacib addım hesab olunur. Yaxın müddətdə tətbiqetmə üzərindən edilən zənglərə cavab verilmədiyi təqdirdə ekranda "Geri zəng et" xəbərdarlığı görünəcəkk.

Digər yeni xüsusiyyət isə yenə eyni ekranda "Səsli mesaj yarat" xəbərdarlığı olacaq. İstifadəçilər zənglərinə cavab almadıqları zaman qarşı tərəfə səsli mesaj göndərə biləcək.