“Qarabağ”ın potensial rəqibləri

Çempionlar Liqasında mövsümə uğurla başlayab "Qarabağ”ın III təsnifat mərhələsindəki potensial rəqibləri müəyyənləşib.

UEFA-nın rəsmi saytının məlumatına görə, komanda püşk zamanı səpələnməmişlər səbətində yer alacaq.

Bu isə o deməkdir ki, "Qarabağ” daha güclü rəqiblə qarşılaşacaq.

İyulun 15-də atılacaq III təsnifat mərhələsinin püşkü Bakı vaxtı ilə saat 14:00-da başlayacaq.

"Qarabağ” bunadək II təsnifat mərhələsində Lüksemburqun "Düdelanj” klubunu yarışdan kənarlaşdırmalıdır.

Qeyd edək ki, "Qarabağ” Bakıda keçirilən ilk oyunda rəqibinə 2:0 hesabı ilə qalib gəlib.