Ərdoğan Messi və Maradonayla futbol oynayacaq
10-07-2016, 01:39.
Türkiyə prezidenti Rəcəb Tayyib Ərdoğanın iyulun 16-da Antaliyada keçiriləcək dostluq futbol matçında "Barselona"nın ulduz futbolçusu Lionel Messi ilə birlikdə meydançaya çıxacaq.
Avropa.info xəbər verir ki, Rəcəb Tayyib Ərdoğan "Samuel Etoo Fondu"nun 10-cü illik yübleyi münasibəti ilə Antalyada keçiriləcək, dünya futbol ulduzlarının da iştirak edəcəyi matçda meydanda olacaq.
Bu haqda məlumat verən Antaliya Böyükşəhər Bələdiyyəsinin sədri Menderes Türel Ərdoğanın bu matçda iştirak etmək təklifini qəbul etdiyini deyib.
"Messinin yanında başqa bir dünya ulduzu prezidentimiz Rəcəb Tayyib Ərdoğan da Antalya Arena stadionunda futbol oynayacaq. Xarici işlər nazirimiz cənab Mövlud Çavuşoğlu və bəndənizin də bu matçda forma geyinəcək" deyə bələdiyyə sədri qeyd edib.
Qeyd edək ki, bu matçı "Antaliyaspor"un ulduz futbolçusu Samuel Etonun öz adına olan fond Afrikalı uşaqlara xeyriyyə yardımı məqsədi ilə keçirəcək. Matçda dünya ulduzlarından Maradona, Messi, Neymar, Suares, Eden Hazar, Totti, Esiyen, Xavi, İnyesta, Arda Turan və başqalarının iştirakı gözlənilir.
Вернуться назад