Главная > Mənəviyyat > İslamafobiyada son nöqtə: Namazı qadağan etdilər - Tələbələr ayağa qalxdı
İslamafobiyada son nöqtə: Namazı qadağan etdilər - Tələbələr ayağa qalxdı15-06-2016, 23:23. |
Danimarkada bir məktəbdə, tənəfüz saatları da daxil olmaqla tələbələrə namaz qılmaq qadağan edilib.
Avropa.info xarici KİV-ə istinadən xəbər verir ki, bu haqda paytaxt Kopenhagenin şimalında yerləşən, tibb və pedoqoji təhsil verən Hillerod adlı məktəbin tələbələri məlumat yayıb.
Danimarka mətbuatına danışan məktəb direktoru İnger Margrethe Jensen namazın qadağan olunması qərarını təsdiqləyib. O, namazın məktəbin qaydalarına uyğun olmadığını deyib.
"Bəzi şagirdlər məktəbi bir məscidə çevirmək istədi. İslam dini məktəbdə çox yayıldı və çox görünər hala gəldi. Din və təhsil bir-birindən ayrıdır. Din şəxsi həyata aid bir məqamdır" deyə direktor bildirib.
Jensen sadəcə, dərs saatlarında deyil, eyni zamanda tənəffüslərdə də namaz qılmağın qadağan olduğunu qeyd edib.
Qadağaya qarşı aralarında xristianların da olduğu tələbələr imza toplamağa başlayıb.
Əhalisi 5,6 milyon olan Danimarkada 200 mindən çox müsəlman yaşayır.
Вернуться назад |