Bakıda avtobus sürücüsü qrafik üstündə iş yoldaşını öldürdü - FOTOLAR

Hadisə Nərimanov rayonun İsmayil Hidayətzadə küçəsindəki 3 saylı binanın qarşısında

baş verib. 

4 saylı marşrut xətti ilə hərəkət edən sərnişin avtobusunun sürücüsü, Ağstafa rayon

sakini, 37 yaşlı Məmməd Məmmədov, eyni marşrut xəttində sürücü işləyən Bakı

şəhər sakini, 23 yaşlı Zülfüqar Əzizlini bıçaqlayıb. 

İlkin ehtimala görə, sürücülər arasındakı münaqişəyə avtobusların hərəkət qrafukində

bir neçə dəqiqəlik pozuntu səbəb olub. Mübahisə zamanı ürək nahiyəsindən bir bıçaq

zərbəsi alan Zülfüqar Əzizli xəstəxanaya aparılarkən yolda dünyasını dəyişib. 

Qətli törədən Məmməd Məmmədov Nərimanov Rayon Polis İdarəsinin əməkdaşları

tərəfindən saxlanılıb. 

Hadisənin hansı səbəbdən baş verdiyi aparılan istintaq tədbirlərindən sonra məlum

olacaq. 

Faktla bağlı Nərimanov Rayon Prokurorluğu tərəfindən Cinayət Məcəlləsinin

120.1-ci (Qəsdən adam öldürmə) maddəsi ilə cinayət işi başlanıb, istintaq aparılır.

(musavat.com)