Xankəndidəki separatçı dəstələr Ermənistana göndərildi - Şok iddia

29-09-2022, 18:14.

Rusiya sülhməramlılarının müvəqqəti nəzarətində olan Xankəndi və ətrafındakı separatçı dəstələrin Ermənistana göndərildiyi iddia olunur.

Teleqraf.com xəbər verir ki, bu barədə Ermənistan mətbuatı məlumat yayıb.

İddiaya görə, Ermənistan-Azərbaycan sərhədindəki son gərginlikdən sonra separatçı dəstələr Cermuxa (Dərələyəz) göndərilib.

Silahlı separatçıların Ermənistan sərhədlərinin müdafiəsi məqsədilə ora gəldikləri bildirilir.

Ermənistan Müdafiə Nazirliyinin sözçüsü Aram Torosyan isə mətbuata açıqlamasında bunun həqiqətə uyğun olmadığını deyib.

Bundan əlavə, Torosyan qeyd edib ki, hazırda sərhəddə heç bir dəyişiklik yoxdur.