Главная > Region > Cəbrayılda “Azərsun"un maşını mina düşüb, sürücü xəsarət alıb
Cəbrayılda “Azərsun"un maşını mina düşüb, sürücü xəsarət alıb14-07-2022, 16:39. |
Cəbrayılda "Azərsun"un maşını mina düşüb, sürücü xəsarət alıb Cəbrayılda "Azərsun"un maşını mina düşüb, sürücü xəsarət alıb. Uluyol.info xəbər verir ki, bu barədə "Report"a ANAMA-dan məlumat verilib. Bildirilib ki, 2022-ci il 14 iyul tarixində Cəbrayıl rayonunun Dağtumas kəndi ərazisində minalardan təmizlənməmiş ərazidə mina hadisəsi baş verib. "Azərsun Holdinq" MMC şirkətinə məxsus yükdaşıma nəqliyyat vasitəsi TM 62 P tank əleyhinə minaya düşüb. Partlayış nəticəsində xəsarət alan sürücü - 1996-cı il təvəllüdlü İmişli rayon sakini Məmmədov Şamil Fərahim oğlu rayon xəstəxanasına çatdırılıb. ANAMA bir daha vətəndaşlarımıza müraciət edərək təhlükəli və şübhəli ərazilərə daxil olmamağa, rastlaşdıqları naməlum əşyalara toxunmamağa çağırır.
Вернуться назад |