17 yaşlı oğlan 1-ci sinif şagirdi oldu

                 17 yaşlı oğlan 1-ci sinif şagirdi oldu

 17 yaşlı yeniyetmə Volqoqrad vilayətinin Talovka qəsəbəsində birinci sinif şagirdi olub.

Uluyol.info lent.aza istinadla bildirir ki, məktəbin direktoru Vera Çexolskayanın sözlərinə görə, məktəblinin ailəsi yaxınlarda qəsəbəyə köçüb.

"Oğlanın oxumağa göndərildiyinə dair yetkinlik yaşına çatmayanlarla iş üzrə komissiyanın qərarını bizə təqdim ediblər”, - direktor vurğulayıb.

Hazırda yeniyetmə tibbi müayinədən keçir və dərslərə gedir. Ancaq yeddi yaşlı uşaqlarla sinifdə oturmur. Gənc oğlan üçün sinif yoldaşlarının təhqiramiz zarafatlarından qoruyacaq ayrı bir cədvəl tərtib edilib.

Qeyd olunur ki, yeniyetmənin ailəsi həmişə onun təhsil almasına qarşı çıxıb.

Volqoqrad vilayətindəki Uşaq Hüquqları üzrə Ombudsman Nina Boldyrevanın sözlərinə görə, bu yaşda uşaq bir il ərzində bir neçə ibtidai sinif proqramını asanlıqla mənimsəyə bilər, amma bunun üçün müəllimlərin peşəkar dəstəyinə ehtiyacı var.