Rusiya Qəddafinin oğlunu Liviyada hakimiyyətə gətirmək
istəyir... -İDDİA
Rusiya Qəddafinin oğlunu Liviyada hakimiyyətə gətirmək
istəyir.
Moderator.az xəbər verir ki, bu məlumatlar tutulan iki
rus agentinə məxsus sənədlərdən əldə edilib.
Həbs edilən Rusiya agentlərinə məxsus sənədlərə görə Rusiya rəsmiləri Müəmmər Qəddafinin
Beynəlxalq Cinayət Məhkəməsi tərəfindən axtarışda olan oğlu Seyfülislam Qəddafi
ilə üç dəfə görüşüb. Liviyada toqquşmalarda Tobruk mərkəzli Liviya Milli
Ordusunun lideri Xəlifə Xafterin iştirakından sonra Rusiya Təhlükəsizlik şirkəti
olan "Vaqner” diqqət mərkəzinə gəlib.
Bildirilir ki, şirkət Qəddafinin oğlunu Liviyada hakimiyyətə gətirmək üçün
onunla görüş keçirib və məsləhətlər verib. Kreml sarayının qida biznesinə rəhbərlik
edən şef aşbaz Yevgeni Priqozinə məxsus "Vaqner” təhlükəsizlik şirkəti Suriya,
Ukrayna və Liviyada muzdluların fəaliyyəti ilə tanınır.
Putinə yaxınlığı ilə seçilən Priqozin ABŞ-da keçirilən seçkilərə müdaxilə
etdiyi üçün Amerika Maliyyə Nazirliyinin sanksiyaları siyahısındadır. Krım və
Ukraynanın şərqindəki cəbhəyə də "Vaqner” tərəfindən 1400 muzdlu əsgərin göndərildiyi
iddia edilir.
Bildirilir ki, "Vaqner” şirkəti üçün işləyən iki Rusiya agenti ötən il tutulub.
Qəddafinin oğluyla bağlı planların üstü isə bundan sonra açılıb.
Вернуться назад
|