Yeddi qolun vurulduğu matçda PSJ qalib gəlib

               Yeddi qolun vurulduğu matçda PSJ qalib gəlib

Apasport.az saytının məlumatına görə, lider PSJ turun ən çox maraq doğuran oyunlarından birində "Bordo"nu qəbul edib.

Əvvəlki günlərindən uzaq olan və çempionatda heç bir iddiası qalmayan "Bordo" paytaxt Parisdə güclü rəqibi ilə bacarmayıb. Qonaqlar hesabı açsalar da, bolqollu keçən matçda PSJ aktivinə 3 xal yazdırıb.

"Reyms" "Sent-Etyen" səfərində məğlubiyyətdən son dəqiqələrdə qurtulub. Ancaq David Quyonun komandası Avropa Liqasına vəsiqə yolunda önəmli 2 xal itirib.

"Renn" isə "Nim" üzərində əzmkar qələbə qazanaraq, 3-cü pillədəki mövqeyini qoruyub.

Fransa Liqa1
XXVI tur
23 fevral
"Sent-Etyenn" - "Reyms" - 1:1
Buanqa, 73 - Dia, 90+3 (pen.)
"Renn" - "Nim" - 2:1
Nianq, 7, 89 - Rouks, 1
PSJ - "Bordo" - 4:3
Kavani, 25; Markinyoş, 45+1, 63; Mbappe, 69 - Huanq, 18; Pablo, 45+5; Pardo, 83