İran və Türkiyə “Fələstinin satılması”na qarşı çıxdı

          İran və Türkiyə "Fələstinin satılması”na qarşı çıxdı

Çinin dövlət xəbər agentliyi "Xinhua” İran dövlət agentliyi olan "İRNA”ya istinadən xəbər verir ki, bazar günü İran və Türkiyə xarici işlər nazirləri İslam Dünyasını ABŞ-ın Yaxın Şərq sülh planına qarşı "sabit" mövqedən çıxış etməyə çağırıblar.

Telefon danışığı zamanı İranın xarici işlər naziri Məhəmməd Cavad Zərif və türkiyəli həmkarı Mevlud Çavuşoğlu "Fələstinin satılması"na qarşı olduqlarını bildirdilər.

Agentlik bildirir ki, ABŞ Prezidenti Donald Trampın Yaxın Şərq üçün sülh planı fələstinlilər tərəfindən rədd edilib.

Donald Trampın planına görə Qüds İsrailin "bölünməz paytaxtı" olaraq tanınmalıdır.

İranın Xarici İşlər Nazirliyi ABŞ-ın sülh planını sərt şəkildə pisləyib.

http://www.xinhuanet.com/english/2020-02/02/c_138750376.htm