İrandan Azərbaycana gül səbətində narkotik keçirən şəxs saxlanıldı - FOTOLAR
13-12-2019, 10:07.
İrandan Azərbaycana gül səbətində narkotik keçirən şəxs saxlanıldı -FOTOLAR
Dövlət Sərhəd Xidməti (DSX) tərəfindən dövlət sərhədinin etibarlı mühafizəsinin təmin edilməsi və narkotik vasitələrin qanunsuz dövriyyəsinə qarşı mübarizə istiqamətində əməliyyat-axtarış tədbirləri davam etdirilir.
DSX-nin Mətbuat MərkəzindənMusavat.com-a verilən məlumata görə, cari ilin dekabrın 11-də "Astara” sərhəd nəzarət məntəqəsində İran İslam Respublikasından Azərbaycan Respublikasına rəsmi qaydada gələn İran vətəndaşı 1991-ci il təvəllüdlü Asadi Ramin Sedigh oğlunun üzərinə sərhəd və gömrük baxışı keçirilən zaman 25 bükümdə konfet bağlamanın icərisində və xüsusi hazırlanmış gül səbətinin altında gizlədilmiş şəkildə ümumi çəkisi 2 kq 137 qr tiryək narkotik vasitə aşkarlanaraq götürülüb.
Saxlanılan şəxs barəsində əməliyyat-istintaq tədbirləri davam etdirilir.
Вернуться назад