İran sərhədçiləri 500 kiloqram narkotik vasitə müsadirə ediblər

        İran sərhədçiləri 500 kiloqram narkotik vasitə müsadirə ediblər

AZƏRTAC vilayətin sərhəd xidmətinin rəisi, general Vəliyullah Rezayinecada istinadla xəbər verir ki, Buşehr limanında xidmət aparan sərhədçilər daxil olan məlumat əsasında gəmi ilə İrana gələn bir qrup şəxsi saxlayıblar. Gəmidə axtarış aparılması nəticəsində 500 kiloqram tiryək aşkarlanıb.

Hazırda sərhədçilər hüquq-mühafizə orqanları ilə birlikdə təhqiqat aparırlar.

Son vaxtlar İranda narkotik vasitələrinin qaçaqmalçılığına qarşı mübarizə tədbirləri gücləndirilib.

Xatırladaq ki, ötən gün polis Zahedan şəhərində 1,5 ton narkotik vasitə müsadirə edib.