Balotelliyə İtaliyadan təklif var

29-07-2018, 11:14.

"Nitsa”nın hücumçusu Mario Balotelli yenidən İtaliyaya qayıda bilər.

Qol.az-ın "La Gazetta dello Sport”a istinadən yaydığı xəbərə görə, 28 yaşlı futbolçunu "Parma” transfer etmək istəyir.

Yeni mövsümdən A Seriyasında çıxış edəcək klub italiyalı futbolçu üçün Fransa təmsilçisinə 5 milyon avro ödəməyə hazırdır.

Qeyd edək ki, İtaliya millisinin sabiq üzvü "Nitsa”da iki mövsümdə 43 qol vurub.