Tayvanda 4,6 bal gücündə zəlzələ olub

14-07-2018, 09:03.

Tayvanda 4,6 bal gücündə zəlzələ baş verib.

APA-nın xəbərinə görə, bu barədə Avropa Aralıq dənizi Seysmoloji Xidmətinin məlumatında bildirilir.

Yeraltı təkanların episentri Taytung şəhərindən 26 km şimalda, ocağı 10 km dərinlikdə yerləşib.

Dağıntı və zərərçəkənlər barədə məlumat daxil olmayıb.

Qeyd edək ki, bu ilin fevralında Tayvanın Xualyan şəhəri yaxınlığında tələfatla nəticələnən 6,5 maqnitudalı zəlzələ baş verib.