Главная > Ümumi > Baş nazirin müavini: "Azərbaycan narkotiklərin dövriyyəsi üçün tranzit ölkədir"
Baş nazirin müavini: "Azərbaycan narkotiklərin dövriyyəsi üçün tranzit ölkədir"25-06-2018, 13:10. |
"Cari ilin 5 ayı ərzində 1 ton 400 kiloqrama yaxın narkotik maddə qanunsuz dövriyyədən çıxarılıb". APA-nın xəbərinə görə, bunu baş nazirin müavini, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının sədri Əli Həsənov deyib. O bildirib ki, bu il narkotiklərin 700 kiloqramı Dövlət Gömrük Komitəsi tərəfindən dövriyyədən çıxarılıb: "Azərbaycan narkotiklərin dövriyyəsi üçün tranzit ölkədir. Xüsusilə Astara, Lənkəran, Cəlilabad, Biləsuvar və Masallıya İrandan narkotik maddələr daşınır". Ə. Həsənov Azərbaycanda qeydiyyatda olan narkotik istifadəçilərinin sayını da açıqlayıb. O qeyd edib ki, Azərbaycanda qeydiyyatda olan narkotik istifadəçilərinin sayı 30 mindən çoxdur: "30 mindən 12 mini Bakı şəhərini, 12 mini isə Lənkəran şəhərini əhatə edir. 2017-ci ildə isə 2000 nəfərdən çox şəxs narkotik istifadəçisi kimi qeydiyyata götürülüb".
Вернуться назад |