Главная > Cəmiyyət > Bir qrup müxalif partiya “Anti-böhran” koalisiyası yaratdı
Bir qrup müxalif partiya “Anti-böhran” koalisiyası yaratdı3-02-2016, 17:43. |
Fevralın 3-də bir qrup aparıcı müxalifət partiya sədrləri və ictimaiyyət nümayəndələrinin iştirakı ilə Vətəndaş və İnkişaf Partiyasının (VİP) mərkəzi qərargahında toplantı keçirilib. VİP mətbuat xidmətindən "Yeni Müsavat”a verilən xəbərə görə, toplantıda ölkədə yaranmış vəziyyət ətraflı müzakirə olunub və "Anti-böhran koalisiyası”nın yaranması barədə razılaşma əldə edilib.
Koalisiyaya Böyük Azərbaycan Partiyası (BAP), Klassik Xalq Cəbhəsi Partiyası (KXCP), Azadlıq Partiyası, Gələcək Azərbaycan Partiyası, Milli Konqres Partiyası (MKP), Azərbaycan Liberal Demokrat Partiyası (ALDP), Azərbaycan Xalq Partiyası (AXP), Aydınlar Partiyası, Ümid Partiyası, Dünyəvi Bozqurd Partiyası, Vətəndaş və İnkişaf Partiyası (VİP), "Ağ Blok", bir sıra hərəkat və təşkilatlar daxil olublar.
Azərbaycan Demokrat Partiyası (ADP) isə yeni yaradılmış koalisiyada müşahidəçi kimi iştirak edəcək.
E.SEYİDAĞA
Вернуться назад |