Əfqan Muxtarlının ailə üzvləri Tala qəbristanlığında dəfn olundu

Əfqan Muxtarlının ailə üzvləri Tala qəbristanlığında dəfn olundu

Vicdan məhbusu Əfqan Muxtarlının bacısı Nuranə Muxtarlı, Nuranənin övladı MilayMuxtarlı və Əfqanın qardaşı Ramazanın övladı Fatimə Muxtarlı Zaqataladakı Tala qəbristanlığında dəfn olunub.

"Basta”ya daxıl olan məlumata görə dəfndəMüsavat başqanıArif Hacılı, Divan üzvləriElman Fəttah,Nemət Kərimli, Müsavatın Mətbuat Departamentinin rəhbəriMustafa Hacıbəyli, Müsavat başqanının müaviniFərəc Kərimli, Məclis üzvüƏbülfəz Sadıqbəylivə bir qrup jurnalist iştirak edib.

Qeyd edək ki,Əfqan Muxtarlının qardaşı Elşən Muxtarlıdan aldığımız məlumata görə, Nuranə Muxtarlının və uşaqların hansı səbəbdən öldükləri dəqiq bilinməsə də, onların dəm qazından boğulduqları ehtimal edilir.

Nuranə Muxtarlı və iki uşağın kirayədə yaşadıqları mənzil içərisinə qaz borusu quraşdırılmış adi odun sobası ilə qızdırılırmış. Bir gün əvvəl Əfqan Muxtarlının qardaşı Ramazan Muxtarlının böyük qızı Fatma evə qonaq gəlibmiş. Ehtimal edilir ki, Nuranə Muxtarlı, onun kiçik qızı vəMilay gecə yaxud səhər saatlarında ölüblər. Amma Nuranə Muxtarlının 8 yaşlı oğlu sağ qalsa da, anasını və uşaqları yatmış bilib, onların öldüyündən xəbər tutmayıb. Günorta saat 14:00 radələrində Nuranənin əri evə gəlib. Ona qapını oğlu açıb. Bundan sonra Nuranənin və iki uşağın öldüyü məlum olub.

Xatırladaq ki, ABŞ departamenti jurnalist Əfqan Muxtarlının bacısının yas mərasiminə buraxılması üçün Azərbaycan hökumətinə müraciət edib.

Dünən vəkil Nemət Kərimli vicdan məhbusu Əfqan Muxtarlının həbsdən müvəqqəti azad edilməsi və onun bacısının dəfnində iştirakına şərait yaradılması üçün Penitensiar Xidmətə müraciət edib.

Nemət Kərimliilə bu gün də əlaqə saxladıq. Vəkil saytımıza bildirdi ki,onun müraciətinə hələ də cavab verilməyib.

Nemət Kərimli Əfqan Muxtarlının həbsdən azad edilməsi üçün Ombudsman Aparatına da müraciət etdiyini bildirib.

Xatırladaq ki, yeni il axşamıvicdan məhbusu Əfqan Muxtarlının bacısı Nuranə Muxtarlı yaşadığı evdə ilkin məlumata görə qazdan boğularaq ölüb.Bildirilir ki, Zaqatala şəhəri Hacı Zeynalabdin Tağıyev küçəsi bina 2, mənzil 14 ünvanındakirayədə yaşayan Zaqatala rayonu Aşağı Tala kənd sakini Muxtarlı Nuranə Sabir qızı və onun bir azyaşlı övladının, o cümlədən N. Muxtarlının qardaşı Ramazanın azyaşlı övladının meyitləri aşkar edilib.

Könül Alı

Bastainfo.com