Peşmərgənin geri çəkilməsinin səbəbi: İlginc razılaşma

                         Peşmərgənin geri çəkilməsinin səbəbi: İlginc razılaşma

Kərkükdə peşmərgənin İraq ordusu və Haşdi Şabi qarşısından çəkilməsinin arxasında gizli bir razılaşmanın olduğu önə sürülüb.

Publika.az xəbər verir ki, Kürdistan Yurdsevərlər Birliyinin keçmiş lideri Cəlal Təlabaninin oğlu Bafel Təlabaninin Haşdi Şabi ilə 9 maddəlik bir razılaşma imzaladığı iddia edilib.

İraq parlamentinin millət vəkili Məsud Heydər gizli razılaşmanın detallarını açıqlayıb. O, razılaşmada Bafel Tələbani ilə Haşdi Şabinin səlahiyyətli nümayəndəsi Hadi Əmirinin imzasının olduğunu deyib.

Kürd xəbər agentliyi "Rudau” da 9 maddəlik razılaşmanın məzmununu paylaşıb.

Razılaşmada bildirilir:

-İraq qüvvələri mübahisəli bölgələrə yenidən daxil olacaq və peşmərgə geri çəkiləcək.

-Kərkük daxil olmaqla, 7 qəsəbə və qəsəbə mərkəzləri hökumətə təslim ediləcək.

-Kərkükdə ortaq hökumət qurulacaq. 15 kürd məhəlləsi kürdlər, 25 məhəllə isə digər entik qruplar tərəfindən idarə ediləcək.

-Kərkükdəki strateji yerlərin - "K 1” hərbi bazası, hava limanı və neft yataqlarının idarəsi mərkəzi hökumətdə qalacaq.

-Süleymaniyə hava limanı istifadəyə açılacaq.

-Süleymaniyə və Kərkükdəki məmurların, sərhəddəki peşmərgələrin maaşları mərkəzi hökumət tərəfindən ödəniləcək.

-Süleymaniyə və Kərkük bölgəsi qurulacaq.

-Yeni bölgə üçün yeni bir hökumət qurulacaq.