Bərzani əmr verdi: bu kanal yayımını dayandırdı

İraq Kürd Muxtariyyəti 25 sentyabrda keçirilməsi nəzərdə tutulan müstəqillik referendumuna qarşı kampaniya aparan NRT kanalının bölgədə yayımını dayandırıb.

Axar.az xəbər verir ki, bu barədə Kürdüstan Demokrat Partiyası məlumat yayıb.

Kanalın yayımına məhdudiyyətlərin tətbiq olunması barədə İraq Kürd Muxtariyyətinin lideri Məsud Bərzani təlimat verib. Sözügedən qadağanın yalnız Süleymaniyyə şəhərini əhatə etdiyi bildirilib.

Qeyd edək ki, bir müddət əvvəl NRT TV-nin sahibi Şasivar Əbdülvahid İraq Kürd Muxtariyyətində sentyabrın 25-də keçirilməsi nəzərdə tutulan referenduma qarşı yayım həyata keçirmək üçün Nexer TV (Yox TV) kanalını təsis edib.